36002 PONTEVEDRA
| Data de construción | Século XIII. |
|---|---|
| Descricion |
A igrexa, construída entre os últimos anos do século XIII e os primeiros da seguinte centuria, presenta planta de cruz latina, cunha soa nave rematada con tres capelas poligonais na cabeceira, a central máis grande que as laterais, cubertas con bóvedas de crucería. No cruceiro ábrense varias capelas. O claustro gótico foi sustituído no século XVIII por unha ampliación do cenobio. Trátase dun templo gótico que destaca pola súa lonxitude e polas tumbas dos insignes pontevedreses que alberga. Entre elas pódese citar a do almirante-trovador Paio Gómez Chariño, que participou na toma de Sevilla en 1248, xunto a Fernando III o Santo. A parte máis antiga do convento é a portada da igrexa, que presenta arco apuntado e arquivoltas baquetonadas, portada que se cubría hai anos cun pórtico. A fachada ten sufrido diversas modificacións, sendo o rosetón de época posterior. A súa cabeceira de tres ábsidas resulta especialmente esvelta desde o exterior, onde se pode ver elevada xunto ó convento e sobre muros que pertenceron á antiga muralla. |
| Campás | 2 campás. |
| Autor | |
