36457 SALVATERRA DE MIÑO
| Descricion |
Ubicada a escasos metros do Pazo de Petán, presenta planta rectangular, unha soa nave e fábrica a base de perpiaño de granito. A fachada principal aparece organizada nun único lenzo e centrada polo van de acceso. Remátaa unha cornixa moldurada que circunda todo o perímetro do templo. O máis característico desta fachada é a superposición de tres molduras nos extremos superiores do muro. A inferior semella o remate ou capitel dunha pilastra, sucédea a moldura da cornixa que que envolve a igrexa e finalmente a moldura da cornixa superior coroada por pináculos. Por último, e centrando o lenzo, remata a espadaña dúplice e dividida en dous niveis por unha liña moldurada. Nesta fachada aparece gravada a data de 1910, que pode ser alusiva a algunha obra de reconstrucción. O resto dos muros son igual de sinxelos no seu tratamento. Sen embargo tamén mostran elementos singulares como é a fiestra de arco triangular do lateral norte. Nesta mesma fachada tamén aparece un gravado que semella un blasón, e dous pequenos corpos adosados ao principal. Estes pequenos corpos sucesivos, mostran elementos como unha pilastra ou remates con pináculos e cruz central. No lado oposto tamén aparece adosado á nave outo pequeno corpo. |
|---|---|
| Campás | 2 campás. |
| Autor | |
