27229 FRIOL
| Descricion |
O monumento máis destacado desta parroquia é a Igrexa, dedicada a Santa María. Trátase dunha construción románica do século XII que sufriu reformas posteriores. Anxeriz foi unha das cinco primeiras parroquias que constituíron o Concello de Friol, xunto con Friol, Narla, Terra da Orde e Torredez. Isto tivo lugar no ano 1812, momento no cal se aboliu o réxime señorial e se estableceu unha incipiente administración municipal. A Igrexa conserva a disposición litúrxica e as características do románico rural na súa planta. É de nave e ábsida únicos e rectangulares, sendo este lixeiramente máis estreito. Teito a dúas augas e no muro norte ten engadida a sancristía. A fábrica románica primitiva sufriu multitude de reformas en épocas posteriores. Tanto a sacristía como a ábsida foron refeitos en 1640, tal e como reza un sillar no exterior do templo. Na parede oriental do testeiro fica unha saeteira tapiada que puido pertencer ó templo orixinal e, en dous dos seus sillares, unha cruz inserta nunha circunferencia e unha roda de oito radios. A porta meridional confórmase por un arco de medio punto moldurado por unha media caña na súa rosca que, a paño co muro, apóiase directamente sobre as xambas lisas. O tímpano amosa unha serie de debuxos incisos, de talla bastante simple e un pouco tosca. |
|---|---|
| Campás | 2 campás. |
| Autor | |
