Inventario de campás
Igrexa de San Martiño de Laxe - MORAÑA (GALICIA)
Referencia 11848
Lugar da Penagrande, 21.
36668 MORAÑA
Descricion Igrexa de planta de cruz latina dunha nave. Capela rectangular está cuberta con bóveda de crucería dunha clave e os nervos descansan en ménsulas. O Arco triunfal de medio punto descansa sobre pilastra cadrada e un muro cuberto por bóveda de crucería. Presenta brazos de medio canon transversal e nave e arcos faixóns de medio punto sobre pilastras. Liña imposta que percorre toda a nave. Sancristía con bóveda de medio canón.
O seu frontal é exemplo do estilo imperante na zona no século XVIII, mostra do fino traballo dos mestres canteiros locais. Na fachada principal conta cunha torre-campanario á dereita, de tres corpos e destaca a porta de acceso principal con arco de medio punto. Sobre o ingreso unha fornela coa figura de San Martiño.
Presenta muros de cadeirado de granito. A cuberta é de tella a dúas augas e no seu interior garda unha cruz de prata de principios de século XVIII, obra do prateiro compostelán Domingo Trianes.
Campás 2 campás.
Editor da ficha TROIANO CARRIL, Xosé
Actualización 05-01-2024