15168 SADA
| Data de construción | Século XIX. |
|---|---|
| Descricion |
Igrexa parroquial de planta rectangular dunha soa nave cunha capela de menor altura acaroada ó muro sur da nave. A estrutura resólvese mediante muros de carga de cachotería enfuscada e pintada de branco, e cantería á vista ó redor dos ocos. A cuberta fórmase a dúas augas sobre a nave e sobre a capela, con chapa de fibrocemento. A fachada principal de traza moi sinxela, segue un esquema pentagonal e no eixo vertical central, organízase de abaixo arriba, mediante unha porta de acceso rectangular alintelada. Sobre o ingreso vai un oco semicircular e, rompendo o vértice do pentágono unha base para unha espadana de dous corpos. Ao primeiro corpo está formado por dous arcos de medio punto que descansan sobre piares e que serven para alberga-las campás. O segundo corpo fórmao un frontón curvilíneo sobre cornixa, cun óculo e remate superior mediante pináculo e cruz de forxa. Como noutras igrexas do rural galego, aparece o cemiterio dentro do recinto do adro, formando un conxunto onde conviven a parroquia dos mortos e a parroquia dos vivos. |
| Campás | 2 campás. |
| Autor | |
