36471 SALCEDA DE CASELAS
| Descricion |
A Igrexa de Entenza, de orixe románica, está feita a base de perpiaño granítico labrado, con teitume a dúas augas. A fachada principal posúe un arco de medio punto coas arestas rebaixadas e o marcado das doelas que forman o arco. por riba dela aparece un óculo central de forma circular con moldura. No centro aparece unha torre campanario de forma cadrada sobre unha pequena cornixa voada.Posúe catro ocos de arco semicircular moldurados e con adorno central superior e balaustrada pétrea de tres pés en cada un deles. Nos extremos dela están pináculos piramidais rematados en bola sobre un prisma labrado. Remátase con agulla en forma de pirámide octogonal que finaliza en bola e cruz pétrea. Destaca a súa cornixa moldurada que percorre os paramentos laterais baixo o alero do tellado. Rematan o paramento nos extremos uns pináculos piramidais con bola sobre unha base cuadrangular. A ábsida actual foi construída no 1727. Foi reconstruída case na súa totalidade a comezos do século XVIII. No ano 1943, nunha nova reforma, cambióuselle a espadana pola torre actual de campanario. O interior posúe os paramentos e o teitume enfoscados. O arco triunfal de medio punto apóiase en pilastras e dá paso á capela maior con bóveda de crucería de catro nervos, apoiados en ménsulas cunha clave. No interior podemos ver tamen un retablo de estilo barroco do primeiro terzo do século XVIII. En escritos do século XII esta igrexa era coñecida polo nome de Antenza. |
|---|---|
| Campás | 2 campás. |
| Autor | |
