As campás da Igrexa de San Xoán de Becerreá

Ata os anos setenta do pasado século existía na parroquia un ritual asociado ás campás da igrexa. Cando morría unha persoa, o xeito de tocar a defunto variaba segundo o finado fose un home ou unha muller. Se era home, a campá máis grande, alcumada de San Xoán, tocaba dúas veces seguidas, e a pequena, de nome As Candeas, unha. Cando a falecida era unha muller, a campá pequena daba dúas badaladas seguidas e unha a maior. (Recollida polo Colectivo Patrimonio dos Ancares).

COLECTIVO PATRIMONIO DOS ANCARES

Arqueoloxia dos Ancares (24-06-2022)