Inventario de campás
Igrexa de Santa María Salomé - SANTIAGO DE COMPOSTELA (GALICIA)
Referencia 9045
Rúa Nova, 31.
15705 SANTIAGO DE COMPOSTELA
Descricion Este pequeno templo situado en plena rúa nova, é un dos máis populares de Santiago. Foi fundado por un cóengo da catedral chamado Pelagio, en tempos do Arcebispo Xelmírez, o prelado que segundo a tradición atopou refuxio nos seus muros cando fuxía do pobo amotinado. Está dedicada a nai do apóstolo Santiago e de San Xoán Evanxelista. Conserva parte da portada do século XII, protexida por un soportal oxival, que se engadiu no século XV. Destacan nela os canzorros románicos sobre os que apoia o artesonado do pórtico e os dous capiteis das columnas de ambos lados. Posteriormente a portada primitiva engadíronselle diversas esculturas que hoxe compoñen o seu maior atractivo. A Virxe co Neno que se ve na clave, como colgada da arquivolta con anxos orantes, é gótica. Forma parte da escena da Anunciación ,que se completa co Arcanxo Gabriel e a virxe, en estado de xestación, a ambos lados da figura. A Torre Barroca exemplo da popularidade acadada polo modelo de campanario de igrexa de San Fiz de Solovio, foi trazada por Simón Rodríguez e construída por José Crespo en 1743. No interior merecen atención as capelas dedicadas a Cristo e a San Xosé que ten cuberta gótica, o retablo de Miguel Romay e a talla do calvario realizada polo escultor Bartolomé Fernández.
Campás 2 campás.
Editor da ficha TROIANO CARRIL, Xosé
Actualización 10-03-2023