Inventario de campás
Basílica de San Martiño de Mondoñedo - FOZ (GALICIA)
Referencia 4524
Descricion A Basílica de San Martiño de Mondoñedo é un templo de orixe prerrománica situado na Mariña Lucense, sé do bispado de Mondoñedo durante moitos anos, que se atopa en bo estado de conservación. Atópase na parroquia de San Martiño de Mondoñedo, concello de Foz, no norte da provincia de Lugo. Na actualidade, amais de estar aberta ó culto, alberga no seu interior un museo.
Está considerada como a catedral máis antiga de España, xa que no século IX foi sé de dous bispados do Reino de Galicia, un trasladado desde Dumio, no distrito de Braga (Portugal), e outro trasladado desde Bretoña, na provincia de Lugo.
O edificio actual é románico de finais do século XI e os recios contrafortes son obra do século XVIII. Desde o ano 1931 está catalogada como BIC e no 2007 obtivo a categoría de basílica.
Ó lado da basílica está a fonte da Zapata, segundo a lenda neste lugar o bispo San Gonzalo tirou unha zapatilla e abrollou auga, auga que se considera que ten propiedades milagreiras. WIKIPEDIA (25-07-2016)
Protección Ben: Igrexa Parroquial San Martín de Mondoñedo
Comunidade Autónoma: C.A. Galicia
Provincia: Lugo
Municipio: Foz
Entidade local menor: Mondoñedo
Categoría: Monumento
Código: (R.I.) - 51 - 0000716 - 00000
Rexistro: (R.I.) REXISTRO BIC INMUEBLES: Código definitivo
Data de Declaración: 03-06-1931
Data Boletín Declaración: 04-06-1931
Disposición: REAL DECRETO
Matiz: TRAMITADOS 6º B
Ministerio de Educación, Cultura y Deporte (22-07-2016)
Estado actual A torre foi restaurada recientemente. A escaleira é nova, de madeira, e tanto o chan da sala de campás como o chan das fiestras están cubertos dunha lámina de metal, posiblemente cobre, para a súa protección. Non obstante a trampilla de madeira que pecha a escaleira, está inchada e presenta moitas dificultades tanto para a súa apertura como para pechala correctamente.
Campás A torre conta con tres campás, coa inscripción habitual das campás galegas: "JHS MARIA JOSE" é dicir "JESÚS MARÍA JOSÉ".
As tres teñen o seu cepo orixinal, que conserva restos de cor azul. As dúas campás maiores teñen unha peza de pedra na parte superior e seguramente a pequena tamén. Están en regular estado de conservación e fai moitos anos que non se tocaron manualmente.
Toques actuais de campás O ordenador ten programados os seguintes toques:
T1 - REPIQUE
T2 - D. HOMBRE
T3 - D. MUJER
T4 - DIARIO
T5 - FIESTA
Os toques manuais, excepto o repenique das dúas campás maiores, son imposibles, debido á mala instalación dos mecanismos. Fai moitos anos que esas campás non soaron manualmente.
Intervencións A intervención nas campás, realizada por CARESA non respecta nin os toques tradicionais nin a posibilidade de tocalas manualmente, como é habitual nesta empresa. A instalación eléctrica incumple todas as normas de seguridade e de estética.
Observacións A Basílica de San Martiño de Mondoñedo está incluída no Plan de Catedrais do Ministerio de Cultura.
