15607 PONTEDEUME
| Data de construción | Século XVIII. |
|---|---|
| Descricion |
Templo parroquial datable do século XVIII que presenta planta rectangular, como recordan Soraluce Blond e Fernández Fernández (1997) "con dous corpos apegados aos seus muros meridiona e setentrional, que funcionan como pequena capela e sancristía. Os seus muros son de carga, cunha cuberta a diferentes augas -segundo os corpos- e cubrición de tella curva. Interiormente a nave presenta unha estrutura aérea feita a base de cimbros de madeira. Aos pés deste sitúase un coro alto, realizado mediante un forxado de madeira. O espazo correspondente ao presbiterio posue maior altura ca a do resto do conxunto, o que remarca a permanente búsca do efectismo tan característico do barroco. A ornaamentación é moi sinxela, podéndose destacar a sobriedade dos elementos que compoñen o seu conxunto. Cara o exterior o edificio presenta un rico xogo de volumes que provén das diferencias existentes de cada un dos corpos da que a compoñen. Os muros están revestidos e pintados de branco, agás os esquinais e recercados de ocos, que posúen pedra á vista. A decoración concéntrase na fachada principal, que culmina nunha espadana rematada en pináculos". |
| Campás | 2 campás. |
| Autor | |
