Inventario de campás
Igrexa de Santa María da Ermida - QUIROGA (GALICIA)
Referencia 14091
Lugar da Ermida, Quiroga.
27329 QUIROGA
Data de construción Século XVII.
Descricion Edificio do século XVII, construído sobre un primitivo asentametno castrexo. A nave lateral é do primeiro terzo do século XVIII. Sancristía pegada ao lado norte do presbiterio. Capela maior cuberta a catro vertentes con tellados de lousa. Muros de cachotaría e campanario dun só corpo. No interior retábulos coa imaxe da Nosa Señora da Ermida, pequena escultura pétrea de orixe descoñecida, posiblemente do século XIII; outras tallas dos séculos XVI a XVIII.
Crese que no mesmo lugar había unha primitiva ermida paleocristiá. Proba disto teriámolo na existencia de basas e placas de mármore no interior da igrexa. Cómpre salientar que neste emprazamento foi atopada unha peza única en Galiza, datada na fin do século IV, o denominado como o Crismón de Quiroga; trátase dunha peza de mármore co anagrama de Cristo entre as letras alfa e omega e cunha inscrición en latín na marxe que recomenda renunciar aos bens materias, hoxe en día custódiase no Museo Diocesano de Lugo.
Campás 2 campás.
Editor da ficha TROIANO CARRIL, Xosé
Actualización 08-09-2025