Inventario de campás
Igrexa de San Xiao de Carantoña - MIÑO (GALICIA)
Referencia 13262
Lugar do Chao de Carantoña, s/n.
15639 MIÑO
Descricion Igrexa de estilo barroco de tipoloxía rural, situada no municipio de Miño ("Municipio de Interese Turístico"). Presenta planta rectangular onde se inscriben tres tramos correspondentes á nave, presbiterio e sancristía. No interior o espazo intermedio entre a nave e o presbiterio está delimitado por un arco de ingreso de medio punto. Destaca a pila bautismal pétrea de características arcaicas. No exterior a decoración concéntrase na fachada principal onde nun eixe vertical central se superpoñen a porta de acceso, un pequeno van rectangular e, rompendo a cornixa, unha espadaña de dobre corpo, no primeiro aparecen tres machóns que dan paso aos ocos das campás, mentres que o segundo está formado por un corpo central flanqueado por pináculos.
Campás 2 campás.
Editor da ficha TROIANO CARRIL, Xosé
Actualización 11-09-2023