Inventario de campás
Igrexa de Santo Estevo de Parga - GUITIRIZ (GALICIA)
Referencia 12908
Rúa da Pobra, 77.
27380 GUITIRIZ
Descricion Situada nun outeiro ó carón do castelo da Pobra de Parga, antiga situación dun castro. Presenta varios restos da súa primitiva factura románica do século XII. Consta de nave rectangular, capela maior cadrada e unha sancristía engadida xunto con outra edificación no lateral esquerdo. Fabricada en sillería de granito e cuberta de pizarra a dúas augas na nave e a catro no presbiterio. A fachada é do século XVIII, e os sillares colléronse do castelo da Pobra. Ten porta adintelada, xanela rectangular central, espadana de doble corpo e doble van e un interesante reloxio de sol no ángulo que forma a fachada e o muro lateral dereito, onde se conservan algúns antigos canzorros e unha primitiva figura labrada románica. No interior hai pinturas ó fresco do século XV que representan esceas da Pasión, Anunciación e Cristo en Maxestade. Hai tamén unha ara con inscricións romanas e tres retablos barrocos con tallas dos séculos XVII-XVIII. Accédese ó adro, murado, por un portalón de pedra do século XVIII con cancela de ferro, gran dintel e frontón triangular con cruz e puntas de diamante. Varios sartegos antropomorfos medievais e pía bautismal gótica no adro.
Campás 2 campás.
Editor da ficha TROIANO CARRIL, Xosé
Actualización 03-05-2023