As campás dos templos diocesanos tocarán hoxe pola visita de BIEITO XVI

As campás das igrexas da diocese de Mondoñedo-Ferrol, do mesmo xeito que todos os demais templos en Galicia, tocarán hoxe á vez con motivo da visita do Papa BIEITO XVI a Santiago de Compostela.

As campás tañirán dúas veces nesta xornada, se seguen as indiciones do arcebispado de Santiago. A primeira vez cando chegue o Papa ao aeroporto de Lavacolla, que se prevé sexa ao redor das 11.30 horas desta mañá.

Logo, xa pola tarde, as campás de todas as igrexas volverán tocar cando comece a celebración eucarística oficiada por BIEITO XVI na Praza do Obradoiro, ao redor das 16.30 horas.

O arcebispado tamén deu indicacións para que se realicen colectas o próximo fin de semana nas igrexas con motivo dos gastos da viaxe.

Vinte voluntarios

Vinte voluntarios da comarca da Mariña participan na xornada de hoxe en tarefas de organización e auxilio en Santiago de Compostela con motivo precisamente da viaxe do Papa á cidade.

En total na organización deste evento están a participar ao redor de dez mil persoas de toda a comunidade.

L. P.

La Voz de Galicia (06-11-2010)

  • SANTIAGO DE COMPOSTELA: Campás, campaneiros e toques
  • Toques manuais de campás: Bibliografía

     

  • Volver á páxina anterior
  • Menú inicial CAMPANERS DE LA CATEDRAL DE VALÈNCIA
    Campaners de la Catedral de València
    Buscar campá, campanario, poboación, fundidor, ano fundición, epigrafia, autor, artigo
    © La Voz de Galicia (2010)
    © Campaners de la Catedral de València (2017)
    campaners@hotmail.com
    : 15-12-2017
    Convertir a PDF