Inventario de Campás

Igrexa de Santaia de Abegondo - ABEGONDO (GALICIA)

(Referencia: 9778)
Lugar do Adro,5.
15318 ABEGONDO

Data de construción Século XVIII.
Descricion Igrexa de estilo barroco do século XVIII, de planta rectangular á que se lle engadiron tres pequenos corpos no seu muro meridional. A cuberta do edificio é a dúas augas, con estructura de madeira e cubrición de tella curva do país.
No interior, o presbiterio e a nave diferencian os seus espazos por medio dun arco de ingreso que se apoia sobre pilastras apegadas ó muro, do mesmo xeito que a entrada á capela vén definida por un arco de medio punto. Nesta última encóntrase un retablo barroco ornamentado con columnas salomónicas decoradas con uvas e acios, do mesmo xeito que tamén aparecen as pólas de figueira correspondentes ó escudo dos Figueroa. Nun dos muros laterais da capela inscríbese un escudo pétreo de características semellantes ós que figuran no ático do retablo.
O exterior concentra a súa decoración na fachada principal. Esta aparece dividida en tres panos; os dous laterais, revestidos, vense remarcados pola pedra á vista dos esquinais, zócalo e cornixa, mentres que o central, delimitado por dúas pilastras de orde xigante, concentra a práctica totalidade dos elementos ormanentais. De abaixo arriba presenta: unha porta rectangular adovelada, unha xanela rectangular e unha fornela cunha imaxe da Virxe cunha palma na man dereita e un libro na esquerda. Rematando este pano central, unha espadana de dous corpos, o primeiro formado por dous arcos de medio punto que descansan sobre piares moldurados e serven para aloxa-las campás. O segundo un frontón triangular curvo flanqueado por dous pináculos moldurados con bóla e rematado por outro pináculo con bóla cunha cruz de forxa.
Nos anos oitenta do século XX, levouse a cabo no edificio unha profunda restauración, na que se deixaron ó descuberto determinados elementos interiores que estaban ocultos.
Como noutras igrexas do rural galego, aparece o cemiterio dentro do recinto do adro, formando un conxunto onde conviven a parroquia dos mortos e a parroquia dos vivos.
Campás 2 campás.
Autor
  • TROIANO CARRIL, Xosé / PATRIMONIOGALEGO.NET (01-12-2016)
  • TROIANO CARRIL, Xosé / CAMPÁS E RELOXOS MONUMENTAIS DE GALICIA (FACEBOOK) (26-10-2020)
  • Bibliografía (Pódese ordenar por calquera dos campos)

    AutorTítuloData
    SILVOSO, L.«As campás usábanse para escorrentar as tormentas»2018
    TROIANO CARRIL, XoséIgrexa de Santa Eulalia de Abegondo2018
    2 Fotos

    Fichas das campás

    Editor da ficha TROIANO CARRIL, Xosé
    Actualización 11-10-2023

    Campás actuais

    LocalizaciónCampáFundidorAno de fundiciónDiámetro (en cm)Peso
    EspadanaCampá pequena (1)BLANCO RUCABADO, FRANCISCO ANTONIO179358113
    EspadanaCampá grande (2)BLANCO CHARLO, FRANCISCO ANTONIO (1804-1878)183871207

  • Ficha reducida (PDF)
  • ABEGONDO: Campás, campaneiros e toques
  • Francesc LLOP i BAYO; Francesc Xavier MARTÍN NOGUERA Metodologia dels inventaris de campanes (1998)
  • Volver á páxina anterior
  • Menú inicial CAMPANERS DE LA CATEDRAL DE VALÈNCIA
    Campaners de la Catedral de València
    © Campaners de la Catedral de València (2024)
    campaners@hotmail.com
    Actualización: 25-02-2024
    Convertir a PDF

    Connectats: 30 Visitants: 29 Usuaris: 1 - francesc