36612 CATOIRA
| Descricion |
A principios do século XVII, a visita do Cardeal Jerónimo del Hoyo deixaba constancia da modestia desta fegresía e da existencia de dúas igrexas veciñas. Estes dous edificios relixiosos veciños, a parroquia dedicada a San Mamede e maila capela de San Sebastián, levantaríanse no século XVI. Restos artísticos daqueles anos aínda se conservan na parroquia; trátanse de dous fragmentos dun baldaquino pétreo da igrexa anterior, un afincado no muro da Epístola e outro servindo como lintel na porta do lado do Evanxeo. A igrexa de planta de cruceiro aproxímase ao estilo neoclásico. Na fachada destaca como única decoración un frontón triangular sobre o ingreso e insertada no centro no que se atopa unha figura do santo. Destaca unha pila bautismal do século XII e unha imaxe da Purísima. Sobre o tellado ollamos un Agnus Dei e no muro occidental do adro unha cabeza de cabalo incrustada. Na época posterior engadíuselle un reloxo de sol na fachada. Tanto a igrexa como o monte sobre o que se sitúa, foron propiedade da Orde de San Bieto. |
|---|---|
| Campás | 3 campás. |
| Autor | |
