| Descricion |
Capela de planta rectangular cunha soa nave, cun pequeno engadido que funciona como sancristía no muro oriental. Os seus muros son de carga, e aparecen revocados e pintados de branco, agás as pezas de cantería que aparecen recercando os ocos e a espadana. A cuberta da nave é a dúas augas con cubrición de tella curva do país.
A fachada de traza moi sinxela, segue un esquema pentagonal e no eixo vertical central, organízase de abaixo arriba, mediante a porta principal de acceso alintelada. Sobre o ingreso vai unha xanela rectangular e rompendo o vértice da fachada, unha base para espadana de dous corpos. O primeiro formado por un arco de medio punto que descansa sobre piares e serve para aloxa-la campá. O segundo un frontón piramidal cun oco circular no medio e rematado cunha cruz de forxa. |
---|
Campás |
1 campá. |
---|
AutorPatrimoniogalego.net (TROIANO CARRIL, Xósé). (15-07-2022) |
|